سمير الوافي في اقوى تدوينة تعليقا عما يفعله “كادو يم”…”أشبيها زغاريدك أكثر من الكسكسي” وكل دينار تدفعو تعمل عليه كليب

تعليقا على اعلان كادوريم انه قرر العودة لتونس ومساعدة أبناء وطنه وفق تعبيره وبعد نشره لصور من المساعدات شن الاعلامي سمير الوافي هجوما عليه معتبرا في تدوينة له ان ما يفعله كادوريم لا يساوي شيئا امام متبرعين اخرين.

وكتب الوافي:

يا سيد كادوريم عاون بلادك وناسك من غير مهرجان وبروباغندا وحملة وكاميرا وراك وطيارة خاصة وتابي روج…يرحم والديك…من غير ما تحاول تحسسنا أنك إنت الوحيد اللي عاونت…فمة شكون عاونو أكثر منك من غير دعاية لأشخاصهم…

• فمة طبيب تونسي كبير في سويسرا جاب بمليار تجهيزات ومساعدات…سمعنا بفعلو من غير ما نحفظو إسمو والا نشوفو وجهو…
• وفمة رجل أعمال في سوسة عطى لسبيطار واحد نصف مليار من غير ما يقول حتى ربع كلمة…فعلو حكى عليه…
• وفي زغوان مثلا…فمة شكون عمل وحدة كوفيد ب 300 مليون وما حبش حتى يتصور وإلا ينشرو إسمو…!
• وفمة برشة توانسة في الداخل والخارج يعاونو في السبيطارات كل يوم…وأنفقوا مليارات على أقسام كوفيد…وفمة زادة جمعيات صارفة مليارات من غير شخصنة فجة ومبتذلة…وعملو مستشفيات ميدانية مجهزة كاملة…وفمة اللي عاونوا من غير لا نسمعو بيهم لا نشوفوهم وكان موش هوما راك ما خلطش على البلاد صامدة وتقاوم لتوة بعد عجز الدولة…!!!
  يعني ماكش باش تعلم الوطنية للتوانسة…والخير لقلوبهم الكبيرة…والا تزايد عليهم في الوطنية…وما عطيتش أكثر منهم…عاون برقيّ وترفع وصمت نبيل…وانت كل مرة حسّك سابقك وزغاريدك أكثر م الكسكسي…وإخراج سينمائي لكل كردونة تمدها…وتلافز وكومينيكاسيون ودعاية صاخبة…يا أخي شكر الله سعيكم…لكن لا تحول العمل الخيري إلى دعاية لشخصك…وكأنك الوحيد والفريد الذي يساعد ويتبرع…ولا أحد ينافسك في الوطنية…وكل دينار تدفعو تعمل عليه كليب…!!!

من جهة اخرى كتب الامين البوعزيزي ان رجل اعمال ايماراتي وراء كادوريم و هنالك برنامج ضخم لتمكينه بمنصب هام في تونس في السنوات القادمة