قالت المخرجة سوسن الجمني أن هناك نية لوجود جزء ثاني من مسلسل الفلوجة.
و أضافت في حوار لها مساء اليوم مع هادي زعيم في فكرة سامي الفهري أن شعور الخوف انتابها اثر الدعوات بايقاف مسلسل فلوجة بعد الحلقة الاولى ” خفت من ردة فعل الوزير ، و أنو يتم إيقاف العمل!”
و يشار الى أنه رفعت قضية لايقاف المسلسل و لكن القضاء رفض هذه الشكوى .
و أضافت ما يلي ( شاهد الآن برومو الفلوجة 2 )
“في موضوع كيما هكا و بش تحكي على المراهقين مطالب في الكتيبة باش توعي و تبعث ميساجات باهين و تحاول تصلح.. خاطر الوضعية هشة و صعيبة الي يعيش فيها شبابنا توا مش كان في تونس في العالم الكل..
كي كتبنا انا و اختي سندس قلنا بالطبيعة نكتبو خرافة الناس تحسها و تتماهى معاها اما ان شاء الله على الأقل يوصل المسلسل يبدل حتى حاجات صغيرة بطريقة فنية.. المهمة ما كانتش ساهلة بعد الفوندو عمناول بدينا بعد العيد الصغير طول في الكتيبة قعدنا صيف كامل نكتبو لا بحر لا خروج لا تفرهيد..
فلوجة قعدنا نصورو فيه 16 جمعة و 3 ايام…توقعت ردود افعال و ضجة اما مش لدرجة المسؤولين و الوزير يطالبو بإيقاف العمل.. خفت برشا و حزنت الايام الأولى قلت شعملت انا و ما حبيتش نجاوب خيرت نكون بعيدة و صامتة قلت خلي يكملو يتفرجو للخر تو يفهموا ثماش ما يتعلمو شمعناها الصبر ولي العمل لازم تكملو ومبعد تحكم..
انا مازلت ما شبعتش بالشخصيات و الحكاية الكل مربوطة بالنص اذا انا و سندس لقينا حكايات أقوى من الجزء الأول نعملو جزء ثاني اما الحكاية مش ساهلة “
