تحدّثت ابنة فنانة تونسية مشهورة في حوار مع برنامج الواقع التونسي كاشفة عن تخلي والدتها عنها بسبب دخول هذه الأخيرة إلى السجن منذ مدّة، و قالت ذات المتحدّثة :” امي انسانة معروفة ماتلفتتليش جملة .. اللي توجعك اكثر كان جاو ميتين خير ملي ميتين بالحياة “.
وأضافت موضّحة :”نتحمل مسؤولية روحي وحدي مانيش عبد مهبول و لا ضارب .. عديت 4 اشهر حبس بسبب الصحبة الخايبة و تحطيت مع عباد كانوا صحابي و صارت فازة متاع براكاج لتاكسيست و اكاهو .. أمي من وقتها تخلات عليا”.
مضيفة :”أنا تمرمدت برشا والعباد ماهمش فاهميني.. وجعتني برشا كي أمي ما جاتنيش.. عندي دواء يلزم نشربو مانيش نشرب فيه ونعوض فيه بالكحول والزطلة.. وفما ممثلة دخلت للحبس على شيكات وقت أنا غادي وحكاولها عليا كي خرجت حكاتها في التلفزة وجهت رسالة لأمي قلتلها زور بنتك.. هي ما تقصدش أما حبت تعاوني.. وأمي جيت نحكي معاها قتلي حطيتلي راسي في التراب.. وخالي قلي ما نتشرفش بيك..”
هذا و قد أثارت الجدل على مواقع التواصل الإجتماعي من خلال تصريحاتها بعد تداول الفيديو من طرف التونسيين الذين تفاعلوا معه و علّقوا مستغربين كيف للأم أن تستغنى عن فلذة كبدها و هي تعلم أنها في طريق الضياع.
