زكرياء بوقيرة يوجه رسالة للامهات .. ردو بالكم

قال زكرياء بوقيرة في تدوينة نشرها على حسابه الشخصي على موقع التواصل الاجتماعي فيسبوك ان الأوميكرون بصدد التسبب في أكبر موجة دخول اطفال إلى المستشفى في بريطانيا، مضيفا: ليوم صغارنا مهددين !!!

وفيما يلي نص التدوينة:

صحيح الأوميكرون أقل خطورة على الكبار ويتسبب في أقل دخول إلى المستشفى من المتحورين القدم

أما لسوء الحظ العكس هو إلي قاعد يصير مع الصغار

هذا المتحور قاعد يتسبب في أكبر موجة دخول إلى المستشفى للصغار في بريطانيا منذ بداية الجائحة

نفس الشيء في نيو يورك في إفريقيا الجنوبية وفي أي بلاد ينتشر فيها

التصويرة إلي تشوفو فيها هي عدد الصغار إلي قاعدين يدخلوا إلى المستشفى في بريطانيا إلي اعمارهم تتراوح بين 0-5 سنين (الأحمر) وبين 6-18 سنة (البرتقالي)

العام الفارط الدولة ومن يرأسها قرروا أنهم يضحيو بالعباد الكبار والمرضى على أساس ما عندهمش الحق يعيشوا وخلاوهم يموتوا في عذاب أليم.

ليوم صغارنا مهددين !!! بش نخليوهم زادة هوما يمرضوهم؟

شنوا بش يكونو مخلفات المرض هذا على صحتهم على المدى البعيد؟ قداش من بو من أم بش يترزا في صغيرو؟

هذا الكل ينجم يوقف وما يصير منو شيء كان الدولة تعمل حجر صحي شامل الجمعة هذي على السؤال كان ترجعوا صغاركم يقراو توا؟ الإجابة طبعاً لا وألف لا

كان جيت عندي صغار نشدهم في الدار حتى لمارس

ربي يحميكم والله لا يوريكم غيار في صغاركم

نعرف إلي الواقع خايب أما هذي الحقيقة

على الأقل توا تنجموا تحاولوا تاخذوا حذركم وبالأخص تنزلوا على الدولة بش تحمينا