تدوينة خطيرة من زكرياء بوقيرة .. يوجه رسائل صاادمة للتونسيين
كما عودنا مثل السابق بتدويناته المثيرة للجدل و بعد تدخلاته الصادمة و تصريحاته التي شاركت التونسيين على طول الجائحة .. يعود زكرياء بوقيرة بتدوينات غريبة كما قالها البعض
و اليوم يوجه رسالة مثيرة و صاادمة للتونسيين يحذر فيها من هذه الأمور و شببها البعض بتنجيم كما تقوم به العرافة العالمية ليلى عبد اللطيف من قراءة للمستقبل الخاص للدولة التاونسية
و هذا نص التدوينة
الازمة جاية جاية لا مفر منها
الله غالب الخونة الي حكمو البلاد هوما الي وصلونا لهوني
توة ماعادش نجمو نهربو منها
اما كان تسمعو كلامي وتحضرو رواحكم بش تتعدالكم باخف الاضرار ووقت يجد الجد تنجمو تعاونو عايلاتكم واصحابكم وجيرانكم
الوضع في العالم تعيس وموش بش يتصلح في احسن الحالات قبل 2025
الوضع في تونس مزري البلاد على حافة الافلاس
حتى القرض الي خذاوه من عند صندوق النقد الدولي ما ينجمو كان يخلصو بيه كان الكريدي متع نفس صندوق النقد الدولي
كل شيء بش يغلا في العالم ونحنا ما عادش عنا فلوس
لازمكم تكونو حاضرين للانهيار الشامل للبلاد
معناها تكونو حاضرين لكل شيء بالرسمي كل شيء
كل واحد فيكم يخمم ويشوف روحو شنوما الحاجات الي حاجتو بيهم ويخليوه يعيش من غير ما يستحق حتى شيء من البرة
انا شخصيا
وتوة نحكي على رأيي
الحاجات المهمة وكيفاش بش نحضر روحي حسب تصوري هوما:
1- الدواء خاطر كان الدولة تفلس اول حاجة بش تتقص
وهاكم تشوفو شركات الادوية كيفاش بدات تسكر في فروعها في تونس
2- الماء على ما ياتي كان وصلنا لمرحلة الانقطاع متع الكهرباء وقتها لا عاد مكينات تضخ الماء ولا كماين يهزو ويجيبو الماء المعدني
3- الماكلة. وهوني لا تخمم لا شنوة البنين ولا شنوة تحب
هوني تخمم شنوة اللازم وشنوة الي يصبر
العجين بزااااايد فرينة سميد مقرونة كسكسي روز….
والconserve باااااااارشا conserve
خاطر الحاجة الوحيدة الي تنجم تصبر 50 سنة موش عام
4- اخر حاجة الفلوس
مرة اخرى نعاود نذكركم نحكي على رأيي الخاص وانت مسؤول على شنوة تعمل بفلوسك اما انا ما تعطيش ثقة لمؤسسة تنجم تفلس وتفكلي فلوسي وقت نحتاجهم
هذاكا لواش شطر فلوسي cash والباقي Bitcoin وكان جاء عندي اكثر نشري زادة ذهب
نشالله ما يصيرش الي في مخي
هذا شنوة نتمنا
ما نحبش العباد تجوع
ما نحبش العباد تتعذب
تي اصل العركة الي عندي مع الدولة خاطر ما نحبش العباد تتعذب
في الازمات لازم تكون حاضر للاسوء وتدعي بش ما يصيرش
اما لازمك تكون حاضر
