حمزة البلومي يوجه رسالة عاجلة للشعب التونسي

تحدث الصحفي والإعلامي حمزة البلومي عن الوضع والعقلية السائدة في تونس، قائلا: العيب فينا وموش في تونس.. وحتى حد ماهو عامل مزية على بلادو

وفيما يلي نص التدوينة التي نشرها حمزة البلومي على صفحته على فايسبوك:

على قد ما نفهم وجيعة برشا من الي صاير عنا وعجز المسؤولين على أنهم يلقاو حلول لابسط الامور والا اصعبها.. على قد ما نبهت من السب والشتم للناس الكل وللبلاد جملة. وقتاش باش نفهمو أنو حتى حد ماهو عامل مزية على بلادو.

حتى حد ماهو عامل مزية على تونس !! الرجال والنساء هوما الي يصنعو بلدانهم.. وموش العكس! في عوض ما تبكي على الي ما لقيتوش وما خذيتوش من بلادك علاش ما تسألش شنوة عطيتها انت؟

في عوض ما تنبّر وتسب.. حاول بدّل.. صحيح التبديل موش ساهل.. صحيح لازمو جواجي.. ما تتصورش انك اليوم حاولت غدوة باش تتبدّل الامور.. لازم نعاودو.. ونعاودو..ونعاودو..

وأكيد الامور باش تتبدل ! أما الهروب عمرو ما بدّل شيء !! العيب فينا وموش في تونس.. وحتى حد ماهو عامل مزية على بلادو ! والا شنوة رايك ؟