أكد المحامي محمد بن رمضان أنه تقرّر اخضاع الناشطة على موقع تكتوك ضحى العريبي إلى المراقبة المعمقة من طرف الادارة العامة لمراقبة الأداءات .. ويأتي اخضاع العريبي للمراقبة بعد تصريحاتها المثيرة للجدل بخصوص مستواها الدراسي ومداخيلها من تطبيقة تكتوك التي قالت انها تصل أحيانا الي 20 ألف دينار في الساعة.
الإعلامي ” سمير الوافي ” كذّب في تدوينة نشرها صحة هذا الخبر و وصفه بالإشاعة و أن يوم السبت يعتبر يوم راحة إداري .. نص التدوينة :
واحد هبط ستاتي قال فيه الفيسك هبط على التوكتوكاية اللي باش تتعدى مع هادي زعيم الليلة…فبدات الناس الكل تبرطاجي في الخبر وتنشر فيه…حتى ولى خبر متداول في كل بلاصة من غير من حد يثبت والا يتأكد والا يستنى البرنامج ويتفرج ويشوف شنوة قالت بالضبط…خاطر السبووت ما يكفيش…!!!
المهم الخبر منتشر وحفلات الشماتة منتصبة طبعا…هذيكة الرياضة الأولى في بلادنا…ولكن ما خمم حد اللي اليوم سبت ونهار عطلة إدارية…واللي الطفلة تعيش في الأردن وفي الخارج أكثر من تونس…واللي فلوسها جاية من برة مهما كان مصدرها تافه والا سخيف…واللي إدارة الفيسك ما تخدمش بناء على السذاجة هذي وبمجرد سبوت ممنتج يدوم دقيقة…وإذا باش تتحرك موش مزروبة لأنو البرنامج يتعدى الليلة والإدارة ترجع تخدم نهار الاثنين…!!!
يعني كالعادة ع الحس يقسمو الباي…وكل شي يصدقوه وينشروه خاصة إذا فيه شماتة ممتعة…باهي وكي تطلع الطفلة ما تقصدش اللي تعدى في السبووت…والا فلوسها من برة وفي الخارج…تولي هي تكمل تغوص م التيك توك وترتزق م التفاهة و انت تمشي تكتك على أيامك وعلى سعدك…
